سہاگ رات

Subject: سہاگ رات Sun Jul 04, 2010 9:21 am

سلام عرض ہے
اپنی وہ سب سے پسندیدہ نظر جو میں نے اپنے سب سے قریبی دوست عمران نرمی کو ڈیڈیکیٹ کی تھی آپ سے شیئر کررہا ہوں اور امید کرتا ہوں کے آب سب کو بہت پسند آئے گی۔

سہاگ رات

میں بس اِک روح تھی پہلے
فقط یونہی بھٹکتی تھی
میں جینے کی طلب میں لمحہ لمحہ ۔۔۔۔۔۔۔۔
روز مرتی تھی
نہ جانے وقت کے کس دور سے ہوکر گزرتی تھی
اچانک مل گئے پھر تم
کسی امّید کی صورت
تمہارے ساتھ جینے کے کئی سپنے ہوئے پیدا
مِری بے سمت راہوں کو نئی منزل ملی تم سے
تو اب جو آج یہ تم سے ۔۔۔۔۔۔۔۔
نیا رشتہ جڑا میرا
تو میں نے خود کو پایا ہے
یہ رشتہ زندگانی ہے
تمہاری مہربانی ہے
مِرے سچ ہوگئے سپنے
مجھے پہچان ملنی ہے
تمہارا نام ملنا ہے
تمہارا پیار ملنا ہے
میں اب تک روح تھی لیکن
مجھے اب جسم ملنا ہے
مجھے تم دیکھتے ہو تو ۔۔۔۔۔۔۔۔
میں خود کو دیکھ پاتی ہوں
مجھے تم پیار کرتے ہو تو ۔۔۔۔۔۔۔۔
خود پہ پیار آتا ہے
مجھے تم چھوا ۔۔۔۔۔۔۔۔
ایسا لگا ۔۔۔۔۔۔۔۔
میں نے چھوا خود کو
تمہارے ہاتھ چلتے ہیں تو ۔۔۔۔۔۔۔۔
میرا جسم بنتا ہے
عجب کاریگری ہے یہ
مجھے پیارا کیا تم نے
مجھے پورا کیا تم نے
مِری تکمیل کی تم نے
خدا نے زندگی دی ہے
مگر مجھ کو یہ لگتا ہے ۔۔۔۔۔۔۔۔
مجھے تم نے بنایا ہے
مگر اب ڈر یہ لگتا ہے
کہیں ایسا نہ ہو جائے
تمہارے واسطے میں جسم ہی بن کر نہ رہ جاؤں۔۔۔۔۔۔۔۔![right]